Олунньу 13 күнүгэр төрөөбүт тыл, cурук-бичик күнүн бэлиэтиибит. Бу күн биһиги төрөөбүт тылбыт баайын, кэрэтин уонна күүһүн өйдүүбүт, ытыктыыбыт. Хайа да омук төрөөбүт тылын билэр, таптыыр сыаналыыр кэнчээри ыччаттаах буолла5ына тыыннаах буолар, салгыы сайдар, бар5арар кыахтанар.

Биһиги библиотекабытыгар күндү ыалдьытынан «оҕо саас амбассадора», блогера Айыына Кожурова кэлэн ыалдьыттаата. Кини 11 саастаах Амма Болугуруттан төрүттээх, билигин №39 оскуолаҕа 5 кылааска үөрэнэр.

«Голос» диэн вокальнай студияҕа 3 сааһыттан ыллыыр, «Сыдьаай» киинэ оскуолатыгар сөбүлээн дьарыктанар, английскай тылы интириэһиргээн үөрэтэр, кинигэ ааҕарын ордорор, олус элбэх араас дьарыктааҕын Саха политехническэй лицей үөрэнээччилэригэр кэпсээтэ, оҕолор ыйтыыларыгар хоруйдаата. Ол таһынан кини:

• НВК саха ойуулуктарын саҥардар;

• Сахалыы тэттик да уһун кээмэйдээх да киинэлэргэ уһулубут;

• Тэтим радиоҕа оҕолор биэриилэрин ыытыһар;

• Саха тылынан ыытыллар арас бырайыактарга кылаас чаастарыгар көхтөөхтүк кыттар;

• Ийэтинээн «Һөҕүҥ» диэн челлендж толкуйдаабыттар уонна онно Саха өрөспүүбүлүкэ Ил Дарханынаан Айсен Сергеевичтыын уһуллубут;

• Былырыын «Блогема» диэн улахан бириэмийэ «Бастыҥ оҕо блогер» аатын сүкпүт.

Айыынаҕа ыҥырыыбытын ылынан кэлбитигэр барҕа махталбытын тиэрдэбит, маннык курдук саха тылын сайыннара тураргар баҕарабыт, үөрэххэр уонна айар эйгэҕэр өссө элбэх ситиһиилэри, саҥа бырайыактары!

Төрөөбүт тылбытын харыстыаҕыҥ, сайыннарыаҕыҥ уонна кэлэр көлүөнэлэргэ тиэрдиэҕиҥ! Сахалыы саҥарыаҕыҥ, сахалыы суруйуоҕуҥ, сахалыы толкуйдуоҕуҥ!